Rôbost

E rôbost

Ryk:	Animalia (Bêestn)
Stamme:	Chordata (Chordata)
Klasse:	Aves (Veugels)
Orde:	Passeriformes (Zangveugels)
Familie:	Muscicapidae (Vliegevangers)
Geslacht:	Erithacus

Sôorte

Erithacus rubecula
Linnaeus, 1758

E rôbost of e rôboard (Erithacus rubecula) is e veugeltje die surtout in de wienter in de omgevienge van uuzn te zien is. Mêestol zyn dadde veugels uut nôordeliker gebiedn die ier komn overwientern. 't Is d' ênigste sôorte in 't geslacht Erithacus.

Uutzicht

E rôbost komt toet 14 cm grôot. Van kleur zyn ze vaboovn bruun en vanoundern wit. Z'en e rôodachtign bost me doaround en witte striepe.

Ze weegn tusschn de 10 en de 22 gram.

Verspreidieng en leefgebied

Rôbostn kommn vôorn in hêel Europa, in Anatolië, in Nôord-Afrika en up sommigte eilandn (Azoorn en Madeira).

Ze kommn e bitje overol vôorn, van busschn toet parkn en hovetjes.

Leevn

Oloewel danze der froai uutzien, zyn 't stieve agressieve veugels, zeker an ze an 't broedn zyn of at wienter is (at er nie vele gin teetn en is). 't Gebeurt toene dan indriengers 't nie overleevn.

Ze broedn in gerrn of goatn, mo 't gebeurt oek danze in nestkassn kruupn. Ze leggn toene 3 toet 9 eiers. 't Ku gebeurn danze 3 keirs broedn. De joungn kunn achter e dag of 30 uutvliegn.

Z'eetn surtout fernient, slekkn en tettiengn, mor oek oltemets fruut en zoad.

Cultuur

't Bestoat e legende woarin dat er e rôbost goa gon schufeln by't kruus van Jezus voen ze zêer e bitje te vermiendern. Beist dat 'n da doet, plakt er bloed an ze bost. Ezô kom et dat 'n e rôon bost et (juuste lik ol de rôbostn die der achter komn).
Ne roibaard ip 'n wisse: gedicht van Omer Karel De Laey