Hoofdmenu openen

Wikipedia β


De grasfamilie of in 't Zuudôostelik West-Vlams gesfamilie (Poaceae of Gramineae) is e familie van êenzoadlobbige blommeplantn in de orde Poales met oengeveer 12.000 sôortn, verdêeld over 780 geslachtn. Groangewassn, lyk terwe, rogge, gerst, hoaver, maïs en rys, zyn verteegnwoordigers van de familie, moar ook bouwmaterioaln (bamboe, riet, strôoi).

De stiengel van de plante is over 't algemêen hol tusschn de knoopn. De bloarn zyn lank, smal en parallelnervig. De bladbasis, 't oenderste dêel van 't blad, vormt e kokervormige bladschede roend de stiengel.

Grassn zyn te viendn over hêel de weireld ip al de continentn, zelfs ip Antarctica. Ze zyn de dominante vegetoasje van uutgestrekte gebiedn, lik steppe, savanne, pampa, Amerikoansche prairie, bus en toendra. Die graslandn èn d' oentwikkelienge van groaznde bêestn meugelik gemakt.

ClassificoasjeBewerken

De grasfamilie is oenderverdêeld in 12 subfamilies:

  • Anomochlooideae, mè geslachtn Anomochloa, Streptochaeta
  • Pharoideae, geslachtn Leptaspis, Pharus
  • Puelioideae, geslachtn Guaduella, Puelia
  • Pooideae, grotste subfamilie, 200 geslachtn, woaroender Deschampsia
  • Bambusoideae, bamboeplantn, 112 geslachtn
  • Ehrhartoideae, 20 geslachtn
  • Aristidoideae, geslachtn Aristida, Sartidia, Stipagrostis
  • Arundinoideae, 16 geslachtn
  • Chloridoideae, 130 geslachtn
  • Panicoideae, 3.500 sôortn woaroender suukerriet en maïs
  • Micrairoideae, geslachtn Isachne, Eriachne, Micraira
  • Danthonioideae, 20 geslachtn