Hoofdmenu openen
Woapnschild van 't Huus Luxemburg
't Hillig Rôoms Ryk (1273-1378)
Gebiedn van 't Huus Habsburg (oranje)
Gebiedn van 't Huus Luxemburg (purper)
Gebiedn van 't Huus Wittelsbach (groen)

't Huus Luxemburg was e Luxemburgs oadellik geslacht en e keuniengsdynastie, die van 1308 regeerde over 't Hillig Rôoms Ryk.

D’ heerschappye van de Luxemburgers wierd twi kêers ounderbrookn deur de Wittelsbachs. Met den dôod van keizer Sigismund stierft de dynastie uut en ze wierdn ipgevolgd deur de Habsburgers.

De dynastie stamdeg of van een tak van 't Huus Limburg, ook 't Huus Luxemburg-Limburg genoemd.

GeschiedenisseBewerken

Den êeste groaf van Luxemburg was Siegried I (963-998).

Deurda Konrad II (1106-1136) stierf zounder jounges, gieng zyn groafschap no zyn tante Ermesinde I, die getrouwd was mè Godfried van Noamn. Doadeure was d'oudste Luxemburgsche dynastie uutgestorvn en begost de dynastie: Luxemburg-Noamn.

Gravinne Ermesinde II van Noamn en Luxemburg (1186-1247), dochter van Hendrik IV van Luxemburg, trouwde in 1214 met hertog Walram III van Limburg. Met hem begost de dynasty: Luxemburg-Limburg.

Hendrik VII was den êeste Rôoms-Duutsche keunienk en keizer van 't Huus Luxemburg.

Zyn zeune, Jan van Luxemburg, trouwde met Elisabeth I van Boheemn, dochter van Wenceslaus II van Boheemn. In 1310 wierd Jan gekrôond tout keunienk van Boheemn. Zyn zeune, Karel IV volgdeg hem ip in Boheemn en kwam ook keizer van 't Hillig Rôoms Ryk. Karel wierd in 1353 in 't groafschap Luxemburg ipgevolgd deur zyn broere Wenceslaus I van Luxemburg, die den êestn hertog van Luxemburg kwam.

Belangryke leedn van de dynastie:Bewerken

  • Hendrik VII (1262-1313)
  • Jan van Luxemburg (1296-1346) - Zeune van Hendrik VII. Keunienk Jan I van Boheemn.
  • Keizer Karel IV (1316-1378) - Zeune van Jan. Keizer van 't HRR.
  • Jobst van Moravië (1351-1411) – Neve van Karel IV. Rôoms-Duutsche keunienk.
  • Wenzel (1361-1419) - Zeune van Karel IV. Keizer van 't HRR.
  • Sigismund (1368-1437) - Zeune van Karel IV. Keizer van 't HRR. Keunienk van Boheemn, Hongareye en Krowoasje.
  • Elisabeth II van Boheemn (1409-1442) - Dochter van Sigismund. Deur te trouwn mè den Habsburger hertog Albrecht V van Ôostnryk, de Rôoms-Duutsche keunienk Albrecht II, droeg ze 't grotste stik van heur Luxemburgs erfdêel over no 't Huus Habsburg.

Groafschap Luxemburg (963-1354)Bewerken

  • Huus Ardenn (963-1136)
  • Huus Luxemburg-Noamn (1136-1196)
  • Huus Hohenstaufn (1196-1197)
  • Huus Luxemburg-Noamn (1197-1247)
  • Huus Luxemburg-Limburg (1247-1354)

Huus Luxemburg-LimburgBewerken

De Groavn:

Portreit Noame Regeerperiode Nota's
  Hendrik V
de Blondn
Groaf:
1247-1281
Zeune van Walram III van Limburg en Ermesinde van Luxemburg-Noamn
  Hendrik VI Groaf:
1281-1288
Zeune van Hendrik V en Margaretha van Bar
  Hendrik VII Groaf:
1288-1313
Zeune van Hendrik VI en Beatrice van Avesnes
  Jan de Blendn Groaf:
1313-1346
Zeune van Hendrik VII en Margaretha van Broabant
  Karel I Groaf:
1346-1353
Zeune van Jan de Blendn en Elisabeth I van Boheemn
  Wenceslaus I Groaf:
1353-13 moarte 1354
Hertog:
13 moarte 1354-7 december 1383
Zeune van Jan de Blendn en Beatrice van Bourbon

Hertogdom LuxemburgBewerken

In 1354 kwam et groafschap Luxemburg een hertogdom. Wenceslaus I was den êestn hertog van Luxemburg

Huus Luxemburg-LimburgBewerken

  • Wenceslaus I (1354-1383)
  • Wenceslaus II (1383-1388)
  • Jobst (1388-1411)
  • Elisabeth van Görlitz (1411-1443) (gin jounges)
    • met Anton Van Bourgondië (1411-1415) (heur êeste vint)
    • me Jan III van Beiern (1418-1425) (heur twidde vint)

Huus Valois-BourgondiëBewerken

Huus HabsburgBewerken