Ionisoasje
Ionisoasje is 't proces woarby dat en atoom of molecule uut oengeloadn toestand en elektron kwytrakt of êen bykrygt, woardeure da 't verandert in e geloadn dêeltje, ook wel ion genoemd. Ionisoasje is gèen spontoan proces. Der is energië vôorn nôdig, die ionisoasjepotentioal wordt genoemd.
En atoomkern of nucleus bevat neutroonn en protoonn. Neutroonn zyn oengeloadn, binst da protoonn e positieve elektrieke loadienge hèn. En atoomkern is dus positief geloadn.
En atoom in zyn gehêel is wel elektrisch neutroal, deur negatief geloadn elektroonn roend de positief geloadn atoomkern. De massa van en elektron is vele klender of de massa van e proton of e neutron. En oengeloadn atoom bevat assan eevnvele protoonn of elektroonn. Dat antal is vor ieder chemisch element uut 't periodiek système uniek en wordt uutgedrukt in 't atoomnummer.