Klêen woatersalamander

Klêen woatersalamander
Nen mannelikn klêen woatersalamander
Taxonomische indêlienge
Ryk: Animalia (Bêestn) Stamme: Chordata (Chordata) Klasse: Amphibia (Amfibieën) Orde: Caudata (Salamanders) Familie: Salamandridae (Echte salamanders) Geslacht: Lissotriton
Sorte
Lissotriton vulgaris Linnaeus, 1758

De klêen woatersalamander (Lissotriton vulgaris) es een sôorte salamander.

Uutzicht

Ge keunt em erkenn an zyne groen-bruune boovnkant met grôte en klêne dounkerbrune plekkn. By de mannekes zie je een stik of zes dounkerbruune streepn ip zyne kop. Zyne buuk es in plekkn en eit nen oranje-rôon band, zyne steirt eit een blauwe strepe. By de vrouwkes es de ounderkant van de steirt rôod. De klêne woatersalamander kan 10 cm grôot koomn, moar de vrouwkes zyn iets klêender. In't poarsezoen ein de mannekes zôomn an de achtertêen en nen grôotn rugkam.

Verspreidienge

Ge vindt em overoal woar dat er oundiepe vyvers, grachtn, poeln en greppels zyn in ountboste loaglandn. O je geluk eit keun je êen vindn in unen visvyver.

De klêne woatersalamander vind je overol in Vloandern, in de Ardennen komt ie minder vôorn. 't Es den ênigsten salamander die in de kustpolders vôornkomt, moar voo de reste komt ie vôorol voorn in Zuud-West-Vloandern.

Leevnswyze

De salamander poart in 't vôorsezoen: van april tot einde meie. Ze leggn eiers in het woater, die achter 2 tot vier weekn uutkoomn. De larvn verandern noo de volwassn vorm in ogustus - september.

Externe koppelienge

• De klêen woatersalamander ip Natuurpunt

Ofbeeldiengn die ier by passn ku je vien in de categorie Lissotriton vulgaris van Wikimedia Commons.