Karel IV (HRR)

Karel IV, geboorn Wenceslaus, (Praag, 14 meie 1316 - Praag, 29 november 1378), was den oudste zeune van Jan de Blendn en Elisabeth van Boheemn. Je was lid van 't Huus Luxemburg langs voaders kant en van 't Huus Přemyslid langs zyn moeder, die e zuster was van keunienk Wenceslaus III van Boheemn, de latste mannelikke Přemyslid.

Karel IV volgde zyn voader ip in 1346 als groaf van Luxemburg en keunienk van Boheemn en je was den êeste keunienk van Boheemn die ook keizer van 't Hillig Rôoms Ryk kwam. Ip 26 november 1346 wierd ie in Bonn gekrôond als Rôoms-Duutsche keunienk, den twiddn september 1347 in Praag als keunienk van Boheemn, ip 6 januoari 1355 in Milaan als keunienk van Italië, en ip 5 april 1355 in Rome als keizer.

Vrouwn en jounges

Karel IV trouwde vier kis:

1. Blanche van Valois (in 1329 in Praag), een halfzuster van Philippe VI van Vrankryk, was een dochter van Charles van Valois en zyn derde vrouwe Mahaut van Châtillon.
   1. Margaretha van Luxemburg (1335-1349), trouwde in 1338 me keunienk Lodewyk I van Hongareye
   2. Catherine van Boheemn (1342-1386), trouwde in 1357 me den hertog van Ôostnryk, Rudolf IV de Stichter, en loater met Otto V van Wittelsbach, hertog van Beiern en keurvorst van Brandenburg.
2. Anne van de Palts (in 1349 in Bacharach an de Reyn), dochter van paltsgroaf Rudolf II
   1. Wenceslaus (1350-1351)
3. Anne van Silezië, (in 1353 in Praag), dochter van de Poolschn hertog Hendrik II van Schweidnitz en Catherine van Anjou, een dochter van Karel I Robert van Hongareye.
   1. Elisabeth van Boheemn (1358-1373), in 1366 getrouwd met Albrecht III van Ôostnryk
   2. Wenceslaus (Wenzel) (1361-1419), zyn ipvolger als Rôoms-Duutsche keunienk
4. Elisabeth van Pommern, (in 1363 in Kraków), dochter van hertog Boguslaw V van Pommeren en Elisabeth van Pooln, een dochter van Casimir III van Pooln.
   1. Anne van Boheemn, in 1382 getrouwd me keunienk Richard II van Iengeland
   2. Sigismund, loater keizer van 't Hillig Rôoms Ryk, keunienk van Hongareye en Boheemn en markgroaf van Brandenburg.
   3. Jan, hertog van Görlitz
   4. Karel (1372-1373)
   5. Margaretha (1373-1410), in 1381 getrouwd met Jan III, burggroaf van Nürnberg
   6. Hendrik (1377–1378)

Karel me zyn êeste vrouwe, Blanche

Ofbeeldiengn die ier by passn ku je vien in de categorie Charles IV, Holy Roman Emperor van Wikimedia Commons.