Koutys

Koutys Coutiches
Koutys in't arroundissement Dowoai
Geografie
Regio	Hauts-de-France
Departement	Noorderdepartement
Arroundissement	Dowoai
Kanton	Ôorschie
Coördinoatn	50°27′NB 3°12′OL
Ippervlak	16,34 km²
Inweuners
Inweuners Bevolkiengsdichtheid	3014 (2017) 184 inw./km²
Andere
Burgemêester	Pascal Fromont
Postcode	59310
Webadres	Site van Koutys

Koutys ofte Coutys (Frans: Coutiches, Nederlands: Koutijs ofte Coutijs) es e gemêente in Vrankryk in't Noorderdepartement. 't Ligt hil in't zuud'n van Frans-Vloandern, mêer bepoald in't arroundissement Dowoai teegn 't schee'n mè Rysels-Vloandern. Koutys grenst an de gemêentn Auchy by Ôorschie, Ôorschie, Bouvignies, Flines by Raches, Faumont en Bersée.

In tydde lag de plekke an de belangrykste boane tusschn Dôornik en Dowoai. In't Ancien Regime woar'n teffrente ground'n in Koutys eig'ndoum van d'abdeye van Flines. De plekke Faumont ôordigde langn tyd by Koutys, toutda't in 1830 e zelfstandige gemêente wierd. D'oumgeevienge es vrêe landelyk.

Koutys es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.

Beziensweirdigeedn

• De Notre-Dame-de-Foy-kerke
• 't Monument vo de gesneuvelde uut den oorloge
• In en round Koutys stoan der ôok teffrente kapellekes

De kerke van Koutys

Ofbeeldiengn die ier by passn ku je vien in de categorie Koutys van Wikimedia Commons.