Ôorschie

Vrankryk Ôorschie
Orchies
Blason de la ville de Orchies (59) Nord-France.svg
Orchies.png
Ôorschie in't arroundissement Dowoai
Geografie
Regio Hauts-de-France
Departement Noorderdepartement
Arroundissement Dowoai
Kanton Ôorschie
Coördinoatn 50°28′NB 3°14′OL
Ippervlak 10,92 km²
Inweuners
Inweuners

Bevolkiengsdichtheid

8828 (2017)
808 inw./km²
Andere
Burgemêester Ludovic Rohart
Postcode 59310
Webadres Site van Ôorschie


Ôorschie (Frans: Orchies, Nederlands: Oorschie) es 'n stee en gemêente in Vrankryk in't Noorderdepartement. 't Ligt hil o de zuudkantn van Frans-Vloandern, mêer bepoald in't arroundissement Dowoai. Ôorschie grenst an de gemêentn Nomain, Landast, Beuvry, Bouvignies, Koutys en Auchy by Ôorschie.

GeschiedenisseBewerken

 
't Platgesmeetn center van Ôorschie in 1914

Ôorschie wos e zelfstandige êerlykeyd van't groafschap Vloandern an d'oude boane tusschn Atrecht en Dôornik. 't Stee ôordigde by Rysels-Vloandern, e streke in de Zuudelyke Nederlandn die achter Tachtigjoarign Oorlog in and'n van de Spanjoard'n bleef en by de Spoansche Nederlandn zat. In de zeevntiende êeuwe, ton da Lodewyk XIV Vrankryk serieus vergrôotte deur teffrente gebied'n van de Nederland'n te verôover'n, kwam Ôorschie Frans bezit achter de Vrede van Oakn in 1668 (tôope mè Rysel, Dowoai en 't groafschap Artesië).

Byst den Êestn Weireldoorloge kwam Ôorschie in and'n van de Duutsche en wierd 't stee in 1914 bikkans illegansn platgesmeetn. In oktober 1918 wierd Ôorschie bevryd.

VerkêerBewerken

 
't Stoasje van Ôorschie

Ôorschie es ol van vanods e kruuspunt van teffrente boan'n tusschn d'oumligg'nde grôotere stee'n in Nôord-Vrankryk en Enegouwn. 't Ligt ip't snypunt van de boane tusschn Dowoai en Dôornik en de boane tusschn 't Ryselsche (mêer bepoald Sikelin) en Sint-Amands an de Skarpe. Olangsn de zuudwestkantn van't groundgebied van de gemêente lôopt d'A23-ottostroade tusschn Villeneuve-d'Ascq en Valencyn.

In Ôorschie ester ôok e stoasje, woa der teffrente lynn'n tôopekomm'n:

  • d'yzerboane tusschn Rysel en Valencyn
  • d'yzerboane tusschn Villeneuve-d'Ascq en Ôorschie
  • in tydde woster ôok e lynne die van Dôornik oover de schreeve by Mouchin noar Ôorschie liep, en ezo vodder gienk richtienge Dowoai, mo die es ol sedert de joarn 1960 ipgebrookn.

SportBewerken

 
Secteur 13

De finoale van de koerseklassieker Parys-Roubei passeert traditionêel olangsn Ôorschie. Ip't groundgebied van Ôorschie ligg'n der twêe kasseystrookn:

  • De Secteur pavé d'Orchies, ôok wel de Pavé du chemin des abattoirs enoemd (secteur 13, e redelyk moeilyke strooke van 3 ster'n die 1,7 kilomèiters lank es)
  • 't Ende van de Secteur pavé de Beuvry-la-Forêt à Orchies, ôok wel de Pavé Marc Madiot enoemd (secteur 14, ôok e strooke van 3 ster'n die 1,4 kilomèiters lank es).
 
Zicht ip't staduus en de kerke van Ôorschie

BeziensweirdigeednBewerken

  • D'Ouze-Lieve-Vrouwe-ten-Hemelipneemiengekerke (Notre-Dame de l'Assomption in't Frans) die byst de twêe weireldôorloogn illegansn platgesmeetn es gewist, mo derachter olle kêe erbouwd es.
  • De Grôote Mart die in 2007 illegansn gerenoveerd es
  • 't Staduus van Ôorschie, wa in 1610 gebouwd es in Vlamsche renaissance-styl in bakstêen. Byst den Êestn Weireldoorloge ein ze dedie ôok zwoar g'abimeerd, mor derachter es't were eripgebouwd en teegn 1927 eroop'nd.
  • In Ôorschie ester ôok vêel industrieel erfgoed, oude fabrikk'n van in tydde.