Loppem
| Loppem | |
|---|---|
 Liggienge in de gemêente Zillegem | |
| Geografie | |
| Provinsje |  West-Vloandern
|
| Gemêente | Zillegem |
| Coördinoatn | 51°09′NB 3°11′OL |
| Oogteliggienge | {{{hoogte}}} m |
| Ippervlakte | km² |
| Inweuners – Bevolkiengsdichtheid |
() /km² |
| Vintn Vrown |
{{{mannen}}}% {{{vrouwen}}}% |
| Andre info | |
| Postcode | 8210 |
| Zonenummer | {{{netn}}} |
 't gemêentuus van Loppem | |
Loppem is e dorptje in de Belgische provinsje West-Vloandern en e dêelgemêente va Zillegem. 't Ligt ip oungeveer tien km ten zuud-westn van Brugge.
Bezienswoardigheden bewerkn
Kykt noa Bouwkundig erfgoed in Loppem
Kastêel van Loppem bewerkn
't Kastêel van Loppem is gebouwd tussn 1858 en 1862 in ipdracht van de familie van Caloen. De twee beroemde architecten Edward Pugin en Jean Bethune makten der e pronkstuk van. Doa werd er namelik deur Albert I en zyn regerienge 't algemêen stemrecht vo mannen ingevoerd. 't Is teegnwoordig toegankelik vo olle menschen. Ge kut er sebiet de istorische sfere ipsnuuvn van 't joar 1918, toen da Albert I der ne moand verblêef. Roend 't kasteel ligt er ook e park en ge kut er voe nieks binn. 't Park èt ook 'n doolhof. Teegn e klêne betoalienge ku ge der de weg zoekn na 't middn. 't Werd getekend in 1873 en ge ku er 2 km loopn zounder ip dezelste plekke twi ké te kommn. In't park ligt er ook nog e grottencomplex met 'n intacte yskelder, rotsparty en belvédère. 't Is geleegn an de kant van de grote spiegelvyver.
De kerke van Loppem bewerkn
De Sint-Martinuskerke: de bouwgeschienisse overspant zeevn êeuwn. 't Schôon bewoarde interieur asemt pure neogotiek sichtent de restoroasje round 1870 deur August Van Assche en Jean Bethune.
Meuglik stadion van Club Brugge bewerkn
Anno 2007 miek 't bestuur van Club Brugge dudelik da ze wilnde veruuzn. 't Jan Breydelstadion kwam volgens nunder te klêne, en ze peiznde an e grôot sportcomplex mi wienkels. D'r woarn verschillige plangs. Op de Brugsche gemêenteroad van 27 februoari 2008 oalde 't plang voor e complex in Loppem de mêeste stemmn. Achter viel vuvven en zessen en gezoag van omweunende, istr allik niet van gekomn en istr in 2020 beslist van et geweun nefferst 't Jan Breydelstadion te zettn.
Geschiedenisse bewerkn
Gemeenteroadsbesluut 14 oktober 1842, Koninklik Besluut 11 april 1843.
"De gueules, à la face d'argent frettée de dix pièces d'azur, accompagnée en chef, de trois étoiles à six rais d'argent. Wapenschild van keel met zilveren dwarsbak getralied uit tien stukken van lazuur, in het hoofd vergezeld van drie sterren met zes punten van zilver."
Tewoarschn da "Lop" 't Angelsaksisch woord "loppe" (vlooie, bêestje) zoe zyn, komt Loppem van Lupp-hem "woning van Luppo".
De geschiedenisse va Loppem (ne parochie en heerlykhied van 't Brugse Vrije die met Zillegem dêel uutmakte van 't ambacht Erdryke) is nowwe verwant me dedie van Brugge, vo wa de gebeurtenisn van algemêen belang betreft en me die van eur eign heern vo 't platselik gebeurn. We weetn datter in 1287 ne abt van Sint-Andries by Brugge, Jan van Lophem heette. Den eeste gekende heer van Lophem is Filips van Steelant († 1270). Nen andere ridder Filips van Steelant, heer van Loppem, Wintwelde e.a. styf in 1479 en werd in Loppem begroavn.
De heerlikheid Lophem, omvatte moar e gedêelte van 't groundgebied da de name dervan droeg. Den elft van't zuudlikke dêel, vormde de heerlikheid van Houtschen. Olle twee iengn of van 't Brugse Vrye. De familie De Schietere bezat d' heerlikheid va Loppem vanaf de 17sten eeuw toet ip 't ende van 't ancien regime.
't Wapen van Filips van Steelant wa van keel met zilvern dwarsbolke getralied van lazuur, vergezeld in 't schildoofd va drie goudn sterrn.
De familie Steelant è wok van keel gevoerd met dwarsbalke van zilver, getralied van lazuur. Under krete (woapnspreuke) "Vianden" duudt ip de afstammienge van die familie, die 't woapen van Lorreinen voerde, nl. e schild van keel mè dwarsbalke va zilver. De tralies van lazuur die de zilveren dwarsbalke van Steelant overdekken, meugn dus as een breuke wordn beschouwd.
De gemêente Loppem verkrêeg, by Keuninklik Besluut van 11 april 1843, de toeloatienge 't woapen va Steelant te gebruukn, lik da Filips van Steelant 't voerde met die afwykienge dat de drie goedn sterrn drie zespuntige sterrn van zilver werdn.
|
Ofbeeldiengn die ier by passn ku je vien in de categorie Loppem van Wikimedia Commons. |