Mayenne (departement)

Frans departement
Vrankryk Mayenne (53)

Liggienge binn'n Vrankryk
Regio Pays de la Loire
Hoofdstad
(Préfecture)
Laval
Sous-préfectures Château-Gontier-sur-Mayenne
Mayenne
Ippervlak 5175,2 km²
Inweuners

Bevolkiengsdichtheid

307.688 (2016)
59 inw./km²
Arrondissementn 3
Kantongs 17
Gemêentes 242
{{{foto}}}
{{{byschrift}}}

Mayenne (53) es 'n departement in de regio Pays de la Loire in't westn van Vrankryk. De noame komt van de gelyknoamige riviere die deur 't gebied strôomt. Inweuners van Mayenne wordn Mayennais genoemd.

Geschiedenisse bewerkn

't Departement Mayenne es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat vo 't grôotste stik uut d'istorische provinsje Maine. E klêender stik in't zuudn van't departement ôordigde by Anjou.

Geografie bewerkn

Mayenne grenst an de Fransche departementn Manche en Orne in't nôord'n, Sarthe in't ôostn, Maine-et-Loire in't zuud'n en an Ille-et-Vilaine in't westn.

't Departement Mayenne bestoat uut drie arroundissementn (Laval, Château-Gontier-sur-Mayenne en Mayenne) en et 17 kantongs en 242 gemêentn. Mayenne es vrêe landelyk en der zyn eigntlyk gin echt grôote stee'n. De grotste gemêent'n noar inweunertal zyn Laval, Mayenne, Château-Gontier-sur-Mayenne, Saint-Berthevin en Évron.

De riviere de Mayenne (die en zy-riviere es van de Maine) ligt in't strôomgebied van de Loire en lôopt twèis deur 't departement, van't nôordn noar zuudn. O de nôordkantn van't departement ligt ôok e gedêelte van't Regionoal nateurpark Normandie-Maine, da vo 't grôotste stik in Orne en Sarthe ligt.

Sport bewerkn

Mayenne es ôok gekend van de Boucles de la Mayenne, e mêerdoagse velokoerse die ier in de streke wierd gereed'n. Mêestol bestoat ze uut e korte proloog en drie ritt'n in lynne. Tout 2005 wos't e koerse voor d'amateurs, derachter wierd et en ounderdêel van den UCI Europe Tour en es ze geclassificeerd in de 2.1-categorieje.

Externe koppelienge bewerkn