Meerpuut
| Meerpuut | |||||||||||||||
|---|---|---|---|---|---|---|---|---|---|---|---|---|---|---|---|
 Wuvetje | |||||||||||||||
| Taxonomische indêlienge | |||||||||||||||
| |||||||||||||||
| Sôorte | |||||||||||||||
| Pelophylax ridibundus Pallas, 1771 |
De meerpuut of grôte groene puut (Pelophylax ridibundus) is e puut van 't geslacht Pelophylax (groene puutn) uut de familie van d' echte puutn (Ranidae). 't Is de grotste puut van Europa. Je leeft in meern, vyvers en beeksjes.
De meerpuut komt oengeveer 10 toet 14 cantimeter lank, de ventjes bluuvn klèinder of de wuvetjes. Ze zyn over 't algemêen doenkergroen toet olyfbruun of grysde van kleur en der is e grôte varioasje in 't patrôon, somtyds met ênigte groene striepn en mêestal met e blêekere striepe ip de rik. De West-Europeesche populoasjes, lik dedee in België, zyn mêestal doenkergroen toet grysde met doenkere vlekkn en drie dudelike groene striepn ip hunder rik.
D' achterpôotn zyn goed oentwikkeld en droagn zwemvliezn. De kop is brêed en ofgeroend, d' oogn zijn relatief grôot en geeloranje van kleur. Nog e kenmerk is hunder lachnd gekwoak (ridibundus = lachnd).
De meerpuut hèt e styf grôot verspreidiengsgebied en komt vôorn in grôte dêeln van Europa, nôordelik Afrika en noa 't ôostn via Arabië toet in Azië.
De puut leeft vornoamelik van klêene oengewerveldn, lik insectn en worms. Vanwege hunder grotte eetn ze van tyd ook groddere prôoin, zelfs sôortgenootn en andere amfibieën, moar ook reptieln, klêene veugels en knoagbêestn.
De meerpuut wierd vo 't eerst weetnschappelik beschreevn lik Rana ridibunda deur Pallas in 1771. Lange tyd makte de sôorte dêel uut van 't geslacht Rana, moa teegnwoordig wordt de sôorte by de groene puutn uut 't geslacht Pelophylax gereeknd.
-
Pelophylax ridibundus -
-
Dikkoptje
.jpg)
|
Ofbeeldiengn die ier by passn ku je vien in de categorie Pelophylax ridibundus van Wikimedia Commons. |