Mercurius (mythologie)


Mercurius is e god uut de Romeinsche mythologie, de god van de commerce, financiële winste, berichtn, communicoasje en reizigers. J' is ook gids van zieln noa den oenderweireld. Zyn noame zoed ofgeleid zyn van 't Latyn merx (marchandise).

Beeld van de Romeinsche god Mercurius deur de Vlamsche kunstnoare Artus Quellinus

In de Romeinsche mythologië wierd ie anziën oftewel lyk de zeune van Jupiter en Maia, êen van de zeevn dochters van den Titoan Atlas, oftewel van Caelus en Dies. Zyn Etruskische teegnhanger was Turms.

Juste lyk zyn Griekschn equivalent Hermes, kreegt ie van Apollo e toverstaf, die loater veranderde in de caduceus, de staf mè verstriengelde slangn. Andere attribuutn zyn e beurze, gevleugelde sandoaln (talaria) en e gevleugeldn hoëd (petasos). Je wierd dikwyls vergezeld deur en hoane en e ram of gêete.

Wikimedia Commons