Pyrénées-Atlantiques

Dat artikel es geschreevn in 't Zuudôostelik West-Vlams.

Pyrénées-Atlantiques (64)

Liggienge binn'n Vrankryk
Regio	Nouvelle-Aquitaine
Hoofdstad (Préfecture)	Pau
Sous-préfectures	Bayonne Oloron-Sainte-Marie
Ippervlak	7645 km²
Inweuners Bevolkiengsdichtheid	673.986 (2016) 88 inw./km²
Arrondissementn	3
Kantongs	27
Gemêentes	546
{{{foto}}} {{{byschrift}}}

Pyrénées-Atlantiques (64) (Gascons: Pirenèus-Atlantics, Baskisch: Pirinio Atlantiarrak ofte Pirinio Atlantikoak, "Atlantische Pyreneen" in't Vlams) es e Frans departement in 't zuudn van de regio Nouvelle-Aquitaine. De noame komt van't feit da 't departement hil o de westkantn van de Fransche Pyreneeën ligt teegn d'Atlantische Oceoane.

Geschiedenisse

't Departement Pyrénées-Atlantiques wos êen van de 83 departementn die de 4e moarte 1790 gesticht zyn binst de Fransche Revoluusje. 't Groundgebied dervan bestoat uut e gedêelte van de vroegere provinsjes Gascogne, Navarra en Béarn. Istorisch geziene wos Béarn e zelfstandig prinsdom round d'ôofdplekke Pau. De reste van de streke es istorisch e dêel van Basknland wa nu vo 't grotste dêel in Spanje ligt. Doaroum wordt die streke an weerskantn van de grenze ôok wel "Nôord-Basknland" genoemd. Inweuners van Pyrénées-Atlantiques wordn doaroum ôok ofwel Béarnaiz'n ofwel Baskn genoemd, ofankelyk van woar da ze komm'n.

Tout 2016 wos't departement ounderdêel van de regio Aquitaine.

Geografie

Pyrénées-Atlantiques grenst an d'Atlantische Oceoane (mêer bepoald an de Golf van Biskaje) in't westn, an Spanje (de regio's Aragón, Navarra en Basknland) in't zuudn en an de departementn Hautes-Pyrénées in't ôostn, Gers in't nôordôostn en Landes in't nôord'n.

't Departement bestoat uut drie arroundissementn (Pau, Bayonne en Oloron-Sainte-Marie) en et 27 kantongs en 546 gemêentn. De grotste gemêentn noar inweunertal zyn Pau, Bayonne, Anglet, Biarritz en Hendaye.

Externe koppelienge

Ofbeeldiengn die ier by passn ku je vien in de categorie Pyrénées-Atlantiques van Wikimedia Commons.