Hoofdmenu openen
Roularta in Roeseloare

Roularta, of vuluut gezeid de Roularta Media Group es een bedryf dat actief es in de media, vôorol in weekbloadn, gazettn en TV. Het bedryf es gevestigd in Roeseloare, moar eit ôok ofdêliengn in Zellik en Brussel. Doarnoast zyn ze ôok nog actief in Vrankryk, Olland, Duutsland, Nôorweegn en Slovenië.

GeschiedenisseBewerken

In 1954 begoste Willy De Nolf een klêne uutgeverie-drukkerie in 't centrum va Roeseloare, da twêe platselikke weekbloadn uutbrocht: De Roeseloarse Weekbode en Advertentie. Deur uutbreidinge over de hêle regio wos in 1960 Roularta uutgegroeid tot de grôotste uutgever va middn West-Vloandern. De groep weirdt verder uutgebreid, êest in West-Vloandern, en ton de reste van Vloandern en leidde in 1969 tot een iploage van mêer dan 1 miljoen exemploaren.

In 1971 kwaamn ze me een nieuw product: kwaliteitsmagazines, 't best bekend es de Knack, moar andere producten woarn ôok van udder: Trends en Sport Magazine. In 1972 nam Rik de Nolf, zeune van, de leidinge over. Vanaf ton zettn ze udder êeste stappn in de Woaln. Een aantol bekende noamn zyn: Trends-Tendances, Le Vif /L'Express. Ondertussn koomn der ôok een aantal gespecialiseerde bloaden, vôorbeeld Nest, een lifestyle magazine start in 2002.

Roularta oat ôok plann om in de audiovisuele weireld te goan: in 1987 stoundn ze mee an de wiege va VTM, de êeste commercieln omroep in Vloandern. Tot ip vandoage ein ze 50% van de andêeln in VMM (et moederbedryf va VTM). Ze zyn ôok betrokkn by Kanaal Z, en de radiozender Q-Music.

ProductnBewerken

Een klêne greep uut et anbod:

  • Knack/Weekend Knack/Focus Knack: drie magazines voe de prys van êen
  • Trends: voe de beleggers
  • Royals: olles over 't keuningsuus
  • Bizz: olles da je moe weetn voe goe zoakns te kunn doen
  • Cash: voe de zoaknmenschn
  • Plus Magazine: e magazine voe fiftigplussers, Plus Magazine wordt wok uutgegeevn in Olland
  • Casas: overtyd ounder de noame 'Ik Ga Bouwen'
  • Sport/Voetbalmagazine
  • Nest:'t blad da leeft met de seizoenn
  • De Huisarts: nieuwsmagazine voe de dokteurs
  • Grande: voe de die die geirn up reize goan
  • Gentleman: e magazine voe de vintn
  • Steps City Magazine
  • De Krant van West-Vlaanderen
  • De Zondag: een groatis gazette by de pistolets ip zundagnuchtnd
  • De Streekkrant/De Weekkrant, Tam-Tam, 't Fonteintje, De Wegwijzer
  • Easy.be: oe je etwa zoekt, doa goa je 't viendn

Externe koppeliengeBewerken