Hoofdmenu openen

Wikipedia β

Wendune

(deureverweezn van Wenduine)
Wendune
[[ofbeeldienge:{{{foto}}}|300px]]
{{{byschrift}}}
Blason ville be Wenduine.svg
WenduineLocation.svg
Liggienge in de gemêente Den Hoane
Geografie
Provinsje Flag of West Flanders.svg West-Vloandern
Gemêente De Haan
Coördinoatn 51°17′NB 3°04′OL
Oogteliggienge {{{hoogte}}} m
Ippervlakte 4,85 km²
Bevolkienge (Bron: NIS)
Inweuners
Bevolkiengsdichtheid
3.929 (2006)
/km²
Vintn
Vrown
{{{mannen}}}%
{{{vrouwen}}}%
Andre info
Postcode 8420
Zonenummer

Wendune (officieel Nederlands: Wenduine) is een dêelgemêente van de kustgemêente D'n Oane. In Wendune weunn d'r apeuprès 4000 menschn.

Inoud

GeschiedenisseBewerken

Wendune is mo round 1180 een zelfstandige parochie gewordn. Vodien was 't afhankelik van de kerke van Uutkerke. 't Belangrykste aspect van z'n geschiedenisse is de bloeiende zêevisscherie. In 1378 ad Wendune een visschersvlôot van 43 bôotn. De visschers addn ton nie allêne last van koapers en oorlogvoerende scheepn moar ook van de "bruunvis" die ze "meerzwyn" (marswin) noemdn. Die vis beschoadigde under visnettn. Van de proost van Sint Donaas in Brugge èn ze ton de toeloatienge gekregen van ip 't meerzwyn te joagen "met 't harpoen zonder pardoen".

 
Spioenkop

Uut de visschershistorie èt Wendune z'n woapnschild overg'oudn da nu ipgenomen is in 't nieuw woapnschild van D'n Oane. In 1424 ad de visschersgilde van Wendune een nieuwe vlagge nôdig. Dorip stound de tekst: "Met 't harpoen zonder pardoen".

Vanof de 16e êeuwe gienk de visscherie styf achteruut en in de 18e en 19e êeuwe was Wendune moar een klein dorptje nie mè. Tout 1870 leefde de bevolkienge styf ofgezounderd, mo 't ipkommend kusttoerisme brocht doa veranderinge in. Touristn uut Blanknberge maktn een stevige wandelienge no Wendune "per ezel". En nateurlik deurdege 't nie lange êer dat er 'n poar cafés kwoamn woa da ze kostn genietn van een stute met espe of een koekestute mè kaffie. In 1886 kwamt er een boane noa Blanknberge en in 1886 de stoomtram van Ostende noa Blanknberge. 't Gemêentebestier ad dovôren de gigantische somme van 57000 fr. tegoare gescharreld.

Round 1895 wierden grôte openboare werkn gestart en groeide 't bescheidn Wendune uut tout "de prinsesse der badsteden".

BeziensweirdigheednBewerken

AttractiesBewerken

  • Wendune is een kustgemêente met 'n rustig en familiaal karakter. Alles is dichte by: zêe, strange, bus, dunen, wienkels en cafeetjes mè gezellig drukke terrasjes.
  • Van ip de "Spioenkop", een koddig uzetje dat boven ip een dune van 31 meter stoat, è je een prachtig panorama van bus, dunen, zêe en rotonde.
  • De rotonde is een ideale speelplekke vo de klêne jounges. Je kunt 'r go-kartn, skeeleren en petanque spelen en j'èt doar ook 't Wielingenzwembad.
  • Ip de roundienge van de zêedyk stoat 't standbeeld van groaf de Smet de Naeyer (1843-1913) êeste minister ounder Leopold II. Die groaf è styf vele gedoan vo den uutbouw van de Belgische kustinfrastructeure.
 

Externe koppeliengeBewerken