Hoofdmenu openen

Wikipedia:Êeste Gebrukersbyêenkomste

Van lienks noa reks: Tbc, D-rex en Patrick

De Êeste Gebrukersbieêenkomste es g'oud'n gewist ip vrydag 20 oktober 2006. Ton ein d'r en poar schryvers van den West-Vlamschn Wikipedia ofgesprook'n om ne kee tope te kommn in Roeseloare vo van gedachtn te wisseln over da project woa da m'ollemoale styf achter stoan. Da zyn degene die ip 't appel woarn: D-rex, Foroa, Tbc en Patrick. Olleman von 't vree spytig dat Astro d'r nie by koste zyn, m'ein em gemist.

't Wos voo ollemoale den eerstn kee damme malkander gezien ein. De sfeer wos uutstekend, m'ein vele van gedachtn gewisseld en achter en poar pintn kwoamn de toengn elegansn los en woarn me bykans nie mee t'oud'n. Gelukkig eit Foroa 't goe voorbeeld gegeevn (je koste wel nie anders, moa gauw :-) en eit-y d'r voorn gezorgd da me nog ip en redelik eure tuus zyn gerakt, zoda me de byeenkomste ol by ol nog mei maniern ein keun ofsluutn.

BesprekiengeBewerken

Concreet eime gebabbeld over:

  1. den tekst van Foroa over Doel en missie van den West-Vlamschn Wikipedia
  2. ounderwerp'n die best nog vodder zoud'n moetn uutgewerkt zyn
  3. structeure en ipvolgienge van artikels en de web site in 't olgemeen

Doel en missie van den West-Vlamschn WikipediaBewerken

  • Me vound'n den tekst sterk en goe deurdacht.
  • De missie legt misschiens entwod te vele nadruk ip 't vastleggn van toale en word'nschat, en te letter ip d' encyclopedische bedoelienge die uutendelik toch d'eerste bedoelienge van iedern Wikipedia zou moetn zyn.
  • Volgens 't document vertoont de toestand van uze Wikipedia meer zwaktes dan sterktes. Me woarn nie ollemoale overtuugd da da ook zo es. Volgens Foroa zyn de ipgesomde sterktes nie t'ounderschatn, en eit-y deur de zwaktes ip te sommn wiln antoon'n damme in gin ol te sterke positie zittn, omdat vele bezoekers - zelfs d'echte West-Vloamiengn - uus project te letter serieus ippakk'n. D'r es mei andere word'n nog werk an den wienkel ip 't vlak van uutstroalienge.

Vodder uut te werk'n ounderwerp'nBewerken

  • Uutwerkienge van uus economisch-socioal verleen. Foroa noemde by noame:
  • ipkomste en evolusje van de textielindustrie, textielmasjien'n en spoanderploatindustrie die in West-Vloandern en essentiele rolle eit vervuld achter dat de vlasindustrie om zêpe es gegoan
  • de succesveroaln van bekende grote bedryvn lik Bekaert, Daikin, Deceuninck-plastics, Claeys, Packo, Barco, Vandewiele, Flandria, Vandemoortele en Picanol
  • d'intensieve uutwisselienge van grensarbeiders tusschn 't Fransche en West-Vloandern die vele West-Vlamsche gezinn'n meigemakt ein
  • uutwerkienge van uze geschiedenisse die vo e groot stik de geschiedenisse van 't middeleeuwsche Vloandern es
  • uutwerkienge van de West-Vlamsche literatuur die vo e groot stik de literatuur van 't vroegmiddeleeuwsche Vloandern es
  • uutwerkienge van Kunst in West-Vloandern, lik Beaufort 2006 en Watou
  • over den istorischn band mei Frans-Vloandern ein me nu bykans nietn. Dienen band es d'r pertank ip vele vlakk'n: toale, geschiedenisse, economie, cultuur...
  • besprekienge van de geologie en geografie van uze provincie. Van woa komt oes drienkwoater ?
  • beschryvienge van de typisch West-Vlamsche geoardheid. En poar voorbeeld'n: bescheid'n, gin babbeloars, arte werkers, eigenzinnigoards
  • vodder anvulln van West-Vlamsche brouweryen
  • vodder anvulln van West-Vlamsche BV's (Johan Bruyneel, Patrick Moenaert...)

Structeure en ipvolgienge van artikelsBewerken

  • Inoudelik sterke artikels moetn d'r voorn zorgn damme sterk na buutn kunn'n kommn. Wien da uus bezoekt, moe kun byleern en nie ollene over de West-Vlamsche toale.
  • D-rex vindt da me meer schryvers nodig ein. Em en Astro zyn momenteel de meest productieve schryvers. En poar meer gastn d'r by zoe gin kwoad kunn'n.
  • 't Belang van e goede structeure en uniformiteit in spellienge es nie t'ounderschatn. Ne goein word'nboek AN-SV en SV-AN en verdere uutwerkienge van e goe toalbeleid (lik de SV-regels) zyn volgens Foroa nodig om uze artikels vo nie-West-Vloamiengn toegankelyker te moak'n.
  • Volgens Tbc zyn goeie sysops nodig om dat ollemoale goed t'oundersteun. Je peinst ook da m'uus an nog meer vandalisme meugn verwachtn, surtout oeme meer bezoekers goan krygn. T'es doamei datn voorstander es om meer kerngebrukers tot sysop te benoemn - en dat es nen iproep vo ol wie em geroep'n voelt.

OfslutiengeBewerken

Wie dat er by wos, wos enthousiast en content da me mekoar gezien eine. De gesprekk'n woarn constructief en da makt den band tusschn de schryvers sterker.

Me vound'n da me da nog ne kee moetn doen, moa toen mei wa meer kerngebrukers dan nu. M'ein gin datum vastgelei voor e nieuwe byeenkomste omda we nietn willn forceern. Eest willn me ne kee kyk'n wuk dat de reacties zyn van andere gebrukers.