Duutstoalige Gemêenschap

Duutstoalige Gemêenschap (Deutschsprachige Gemeinschaft)

Duutstoalige Gemêenschap in België
Geografie
Hoofdstad	Eupn
Ippervlak	853,64 ^[1] km²
Bevolkienge
Inweuners Bevolkiengsdichtheid	79.479 (1 januoari 2024) ^[1] 93 inw./km²
Toaln	Duuts
Politiek
Minister-president	Oliver Paasch (ProDG)
Coaliesje	ProDG, CSP, PFF
Mêer info
Volkslied	Gin
Fêestdag	15 november
Website	dglive.be
{{{foto}}} {{{byschrift}}}

De Duutstoalige Gemêenschap (Duuts: Deutschsprachige Gemeinschaft Belgiens) is de klêenste van de drie federoale gemêenschappn van België. De twi andere zyn de Vlamsche en de Fransche Gemêenschap. 't Gebied besloat 't grotste dêel van d' Ôostkantongs die Duutsland most ofstoan in 1919 achter de Vrede van Versailles.

De Duutstoalige Gemêenschap ligt hêlegans in 't ôostn van België teegn de Duutsche grenze. 't Noordn ligt in 't Land van Eupn, 't zuudn in de Belgischn Eifel. Z'is bevoegd in de neegn Duutstoalige gemêentn in de Woaln, mêer bepoald in de provinsje Luuk in de kantongs Eupn en Sankt-Vith in 't administratief arroundissement Verviers. Al die gemêentn hen faciliteitn vo Franstoalign, moa bykan iederêen is Duutstoalig. In 2024 woarn der ruum 79.000 inweuners, waarounder 95% Duutstoalign, 4% Franstoalign en 1% andere. De road en de regerienge zyn gevestigd in Eupn.

Gemêentn van 't Duuts toalgebied

Polletiek

De Duutstoalige Gemêenschap bestoat uut een parlement en een regerienge. De regerienge bestoat uut ministers en een minister-president. Sedert 1974 zyn er directe verkieziengn.

Parlement

De zetelverdêlienge sedert 1990 ziet er ezô uut (verkiezingsuutslag):^[2]

Party	2024	2019	2014	2009	2004	1999	1995	1990
PJU-PDB / ProDG	8	6	6	4	3	3	3	4
CSP	5	6	7	7	8	9	10	8
Vivant	4	3	2	2	2
SP	3	4	4	5	5	4	4	4
PFF	3	3	4	4	5	6	5	5
Ecolo	2	3	2	3	2	3	3	4
Totoal	25	25	25	25	25	25	25	25

Regerienge

Regerienge sedert 2009 zyn:

Regerienge 2024-nu

De 13 juni 2024, vier doagn achter de Duutstoalige gemêenschapsverkieziengn van 9 juni 2024, slootn ProDG, CSP en PFF e besteursakkoord. De regerienge bestoat uut vier ministers van de coaliesje (16 zetels):

Oliver Paasch (ProDG), minister-president
Lydia Klinkenberg (ProDG)
Jérôme Franssen (CSP)
Gregor Freches (PFF)

Regerienge 2019-2024

De 29e meye 2019, drie doagn achter de Duutstoalige gemêenschapsverkieziengn van 26 meye 2019, slootn ProDG, SP en PFF e besteursakkoord. De regerienge bestond uut vier ministers van de coaliesje (13 zetels):

Oliver Paasch (ProDG), minister-president
Harald Mollers (ProDG)
Antonios Antoniadis (SP)
Isabelle Weykmans (PFF)

Regerienge 2014-2019

Achter de verkieziengn van meie 2014 wordt er e nieuwe regerienge gevormd met de partyen van de vôrige regerienge. Z' hen e mêerderheid van 14 ip 25 zetels. Oliver Paasch (ProDG) wordt de nieuwe minister-president. Je volgt Karl-Heinz Lambertz (SP) ip die vôorzitter wordt van 't parlement van de Duutstoalige Gemêenschap.

De regerienge bestond uut vier ministers van de coaliesje ProDG, SP en PFF: