Lodewyk van Male

(deureverweezn van Lodewyk II van Vloandern)

Lodewyk II van Vloandern van 't Huus Dampierre, gekend as Lodewyk van Male, (Male (by Brugge), 29 november 1330-Sint-Omaars, 30 januoari 1384), was de zeune van Lodewyk II van Nevers (Lodewyk I van Vloandern) en Marguerite I van Bourgondië, dochter van keunienk Philippe V van Vrankryk.

Lodewyk van Male
1330-1384
Groaf van Vloandern,
Nevers
en Rethel
Periode1346-1384
VôorgangerLodewyk I van Vloandern
IpvolgerMargaretha van Male
Groaf van Artois en
Franche-Comté
Periode1382-1384
VôorgangerMarguerite I van Bourgondië
IpvolgerMargaretha van Male
VoaderLodewyk van Nevers
MoederMarguerite I van Bourgondië

Achter den dôod van ze voader in de Slag van Crécy in 1346, erfdegt ie de groafschappn Vloandern, Nevers en Rethel en achter den dôod van ze moeder in 1382 ôok Artois en Franche-Comté.

Rivaliteit tusschn Brugge en Gent bewerkn

In 1379 begostn de Gentsche ipstandn teegn hem, ounder leidienge van Filips van Artevelde.

Gent rebelleerde teegn under groaf omdat de machtige gildn mêer privileges wildegn en minder bemoeiiengn. Brugge stound wel an de kant van de groaf en azo begost de rivaliteit tusschn de twi steedn.

Ze wildn vo 't kanoal Gent-Ostende, dat êen van d'oudste schiproutes van 't land was, e nateurlikke woaterlôop tusschn Brugge en Beirnem uutdiepn. 't Was over da stik kanoal da 't conflict begost is, en 't was moar in 1613 dan z'overêen gekommn zyn vo 't kanoal Brugge-Gent te groavn. De werkn zyn uutgevoerd deur de Republiek der Zeevn Verenigde Provinciën en in 1621 was d'openienge.

Gentschn ipstand bewerkn

 
De Slag by Westrôzebeke

De Gentschn ipstand brak uut in 1379, en de Brugsche anhangers van Lodewyk zyn versleegn gewist deur Filips van Artevelde in de Slag ip 't Beverhoutsveld (3 mei 1382) ip de grenze van Beirnem, Oostkamp en Assebroeke.

Lodewyk had de belangrykste weegn no 't stad ofgeslootn, vo Gent te dwiengn under over te geevn. Filips van Artevelde wilde nog ounderhandeln in Dôornik mo zounder resultoat en 't ênigste dat er ip zat was Brugge te bestormn vo were 'n uutweg no de zêe te kunn hen.

De Slag zoudt den dag achter d'Hillig-Bloedprocesje begost zyn. De Bruggeliengen kwoamn rechte van d'herbergn round de Meersn en z'haan ounder de boane vôort gedrounkn vo couroage ip te doen. Achter e kort gevecht kost Artevelde 't Brugs leger, da nie in stoat was under serieus te verweirn, versloan en Filips bezette Brugge de zelfstn dag zounder moeite. Lodewyk kost vluchtn no Rysel.

Volgens e legende zoun de Gentenoars dien dag de droake van de Brugsche Sint-Donaaskerke g'hoald hen vor ip 't belfort van Gent te zettn.

E poar moandn loater is Filips van Artevelde gesneuveld in de Slag by Westrôzebeke (27 november 1382). Lodewyk krêeg hulpe van ze schonzeune Filips de Stoutn.

 
Robrecht III - Lodewyk I - Lodewyk II - Margaretha III + Filips de Stoutn Groavnkapelle in de O.L.V-kerke van Kortryk

Vrouwe en jounges bewerkn

Lodewyk trouwde in 1347 mè Margaretha van Broabant, twidde dochter van Jan III van Broabant en Marie van Évreux. Under jounges woarn:

Dôod en ipvolgienge bewerkn

Lodewyk van Male is in 1384 gestorvn in de Sint-Bertynsabdye in Sint-Omaars.

Je was de latstn ottonome groaf van Vloandern en ook de latstn uut et geslacht Dampierre, want z'n dochter en erfgenoame Margaretha van Male brocht 't groafschap Vloandern ounder 't hertogdom Bourgondië deur te trouwn mè Filips de Stoutn. 't Was 't begun van de Bourgondische Nederlandn.

In 1376 he Lodewyk van Male den êeste stêen geleid van 't Gotisch Brugs stadhuus ip de Burg.