Hoofdmenu openen
De verdêlienge van 't Frankisch Ryk achter 't Verdrag van Verdun in 843
Oost-Francië

Oost-Francië was ’t keunienkryk van Lodewyk den Duuts, achter dat ’t Frankisch Ryk in drieën verdeeld was by ‘t Verdrag van Verdun in 843.

’t Ryk wierd verdêeld ounder de drie zeuns van Lodewyk de Vroomn.

Oost-Francië bestound uut de stamhertogdomn:

  • Frankn of Franconië, et land van de Frankn (Latyn: Franci of gens Francorum)
  • Saksn, et land van de Saksn (Latyn: Saxones)
  • Beiern et land van de Baiuwoarn (Latyn: Bavarii)
  • Zwaabn, et land van de Sueevn w.o. de Alemann (Latyn: Suebi en Alemanni)
  • In 903 kwam Lotharingen et vuufde stamhertogdom.

In 870 wierd ‘t Verdrag van Meerssen getêeknd. Lotharingen van Lotharius II van Middn-Francië wierd gelykig verdêeld ounder zyn twi nounkels:

  • Lodewyk den Duuts krêeg Aken, twi derdn van Friesland, en ’t gebied ten ôostn van de Moas, de boovnlope van de Moezel en de nôordelikke Jura.
  • Karel de Kletsn krêeg olles ten westn der van.

In 880 wierd ‘t Verdrag van Ribemont getêeknd. ’t Stik van Lotharingen, dat achter ’t verdrag van Meerssen by West-Francië gekommn was, kwam nu ook by Oost-Francië.

‘t Was de latste verdêlienge van ‘t Frankisch Ryk en die grenze tusschn Frankryk en Duutsland blêeft de reste van de Middelêeuwn bykan ounveranderd.

Lodewyk et Kiend (899-911), zeune van Arnulf van Karinthië, was de latste Karolingische keunienk van Oost-Francië. De volgnde keuniengn wierdn verkoozn:

Hendrik de Veugeloare haad ip 't ende van zyn leevn ol de Duutsche stammn verênigd in êen keunienkryk. Doadeure wordt ie anzien ols de stichter van 't middelêeuws Duutsland.

Inoud

Keuniengn in Oost-FranciëBewerken

KaroliengersBewerken

Portreit Noame Keunienk Nota ‘s
  Lodewyk II
(Lodewyk den Duuts)
843-876: Keunienk van Oost-Francië
  Karloman van Beiern 876-880: Allêne keunienk van Beiern
  Lodewyk III
Lodewyk de Joungn
876-882:
880-882:
Allêne keunienk van Saksn
Ook van Beiern en Lotharingen
  Karel II of
Keizer Karel III
(Karel den Dikkn)
876-882:
882-887:
881-888:
Allêne keunienk van Zwaabn
Keunienk van hêel Oost-Francië mè Lotharingen
Keizer
  Arnulf van Karinthië 887-899:
887-895:
896-899:
Keunienk van Oost-Francië
Ook mè Lotharingen
Keizer
  Zwentibold 895-900: Allêne keunienk van Lotharingen
  Lodewyk IV
Lodewyk et Kiend
899-911: Keunienk van Oost-Francië, van 900 mè Lotharingen

KonradynersBewerken

Portreit Noame Keunienk Nota ‘s
  Konrad I 911-918: Keunienk van Oost-Francië

LiudolfiengersBewerken

Portreit Noame Keunienk Nota ‘s
  Hendrik I 919-936 Keunienk van Oost-Francië.
Stichter van 't middelêeuws Duutsland en 't Ottoons Huus van de Rôoms-Duutsche keuniengn en keizers.

Kykt vo zyn ipvolgers no de Rôoms-Duutsche keuniengn en keizers.