Zoaterdag

De zoaterdag is de zesdn dag van de weke. Ze komt achter vrydag en vo zundag. Zoaterdag is den ênigsten dag van de weke die nie afgeleid is van een god uut de Germoansche mythologie mo van de Romeinsche mythologie. Z'is genoemd no Saturnus, de Romeinsche god van de landbouw.

De zoaterdag is den êestn dag van 't weekend. Vroegr goenk hêel de familie ton de zoaterdagavond in 't bad vo de vuligheid van hêel de weke af te wassn en propr te zyn vo de zundag no de messe te goan.

Gekende zoaterdagn

• De zoaterdag vo Poasn is Stille Zoaterdag omda ip dien dag de klokkn volgenst de tradisie nie luun
• In de joarn '70 kwamt John Travolta bekend deur de film Saturday Night Fever
• Vo de Joodn is zoaterdag den zevenstn dag en dus den dag woarup da God by de scheppienge nietn mee deed volgens 'n Bybel (cfr. Gen. 2:1-2). Zynder noemn zoaterdag Sabbat en ip dien dag meugn ze zynder ook nietn doen.