Finland

Dat artikel es geschreevn in 't Westhoeks.

---

Republiek Finland Suomen Tasavalta (Fins) Republiken Finland (Zweeds) Suoma Dásseváldi (Samisch)
Liggienge van Finland in Europa
Officiële toale	Fins, Zweeds, Samisch (minderheid)
Hoofdstad	Helsinki
Stoatsvorm	Republiek
Stoatshoofd	President Sauli Niinistö
Êerste minister	Petteri Orpo
Ippervlak	336.855 km²
Inweuners Bevolkiengsdichtheid	5.498.211 (2016) 16,3 inw./km²
Munte	Euro (Eur)
Tydzone	UTC+2 (zomertyd: UTC+3)
Landcode	FI, FIN
Telefongcode	(+358)
Internet-TLD	.fi
Nationale fêestdag	6 december (Ounofhankelik van 't Keizerryk Rusland in 1917)

Finland (Fins: Suomi, Zweeds: Finland, Samisch: Suopma), officieel de Republiek Finland, is e land in Scandinavië met e grôte 5 meljoen iweuners. 't Land et de bynoame Land van de 1000 meern, mor in feite zyn 't der vele mêer, oungeveer 180.000. 'n Oofdstad Helsinki is me zyn oof meljoen iweuners (agglomeroasche: 1 meljoen), 'n grotstn stad.

Liggienge

Finland is e Scandinoavisch land, 't ligt dus in 't nôorn van Europa. Teegn Finland liggn der 3 lann: Zweedn, Nôorweegn en Rusland.

Geschiedenisse

Finland is in 1917 en ounafankelikkn republiek ekomn.

Koarte

Koarte va Finland

Menschn

'n Mêerndêel van d'iweuners van Finland zyn etnische Finn, mo 't zyn ouk nog redelik grôte groupn Zweedn, Nôorn en Russn. In 't nôorn zittn der ouk nog e stik of drieduusd Sami (d'officiële noame voun de Lappn).

De mêeste menschn weunn in 't zuudn, de reste van 't land is styf dinne bevookt, surtout Lapland in 't nôorn.

Toale

Finland et twêe officiële toaln: Fins (dêel van de Fins-Oegrische toalgroup) en Zweeds (dêel van de (Nôord-)Germoansche toalgroup, voun 6% moedertoale). 't Samisch wordt geklapt deur de Sami of de Lappn, 'n klêene minderheid in 't noordn van 't land.

Sport en Cultuur

Meziek

Finland is surtout ekend voun ze vele metalgroupn lik Nightwish, Children of Bodom, HIM, Amorphis, Apocalyptica en Lordi.

Sport

Wuk a sport betreft, zyn de Finn surtout kraks in ottosportn lik Formule 1 en Rally en in e masse wientersportn, lik langlaufn en schansspriengn. 'n Grotstn en populairstn sport is wel yshockey, woarin dan ze in de latste 15 joar neegn keirs up 't podium van 't weireldkampioenschap estoan en (wel mor êne up d'ogste trede).

Bekende Finn

• Jari Litmanen: foetbollist van oundermêer Ajax Amsterdam
• Mika Häkkinnen: 2 keirs weireldkampioen Formule 1
• Marcus Grönholm: 2 keirs weireldkampioen Rally
• Ville Valo: zanger van HIM

Ofbeeldiengn die ier by passn ku je vien in de categorie Finland van Wikimedia Commons.