West-Vloandern

West-Vloandern

Liggienge van de provinsje West-Vloandern
Gewest	Vloandern
Hoofdstad	Brugge
Ippervlak	3.144 km²
Inweuners Bevolkiengsdichtheid	1.170.070 366 inw./km²
Arrondissementn	Brugge Kortryk Diksmude Veurn Ostende Roeseloare Tielt Yper
Gemêentn	64
Gouverneur	Carl Decaluwe
Website	www.west-vlaanderen.be

De provinsje West-Vloandern is êen van de tien provinsjes van België. 't Is de provinsje die 't mêest in 't Westn van Vloandern ligt en d'ênigste in België die an de zêe ligt. d' Oofdstad is Brugge, andere belangryke steedn zyn Kortryk, Ostende, Roeseloare en Yper. West-Vloandern is ook vrêe gekend va zyn kust: een strepe van 67 km woar dat hêel België noartoe trekt ot schôon were è.

Buutn de kust ei j' ôok nog andere streekn:

Bachten de Kupe en de reste van de polders
Euvelland, de streke round de Kemmelberg (156 meiters oge), met uutlopers noa Vrankryk
de busschn round Brugge
't Outland, de streke round Toeroet
de Leiestreke
de streke round Yper, met zyn vele monumentn die den Êestn Weireldoorloge van '14 - '18 erdenkn
de Westoek, oungeveer de streke tusschn Wervik, Veurne en Diksmude

ToaleBewerken

De officiële toale in de provinsje is Nederlands. Moa de menschn klappn meestol wel 't typische West-Vlams; ni ollêne ounder makoar moar ouk teegn menschn da ze nie kenn, en zelfs in officiële situoasjes. Teegn de toalgrenze zyn d'r nog de faciliteitengemêentn Spiere-Elkyng en Mêesn woa de Frans ouk een officiële toale is.