Beikn en dinne gezoajde busschn van Kamtsjatka en de Koerieln

Ekostreeke uut 't Palaearctis in 't bioom van de boreoale busschn

De beikn en dinne gezoajde busschn van Kamtsjatka en de Koerieln, geleegn ip 't Kamtsjatka-Schiereiland en ip de Koerieln zyn 'n ekostreeke uut d' ekozôone Palaearctis vôgnst de Weirld Nateur-Stichtienge (WWF) [1][2][3]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloa 14 633 432 êktoarn [4]. Vo de grôote ekoloogiesche rykdom is d' ekostreeke e dêel van de Global 200-streeke de "Tajga en beikn van Kamtsjatka" [5].

Liggienge van de boreoale busschn in de weirld.
Loofbusschn ip Kamtsjatka.

Beschryvienge bewerkn

Die ekostreeke omvat de lêegr geleegn dêeln van Kamtsjatka, de Koerieln mêt uutzoendrienge van de mêest zuudlikke eilandn, en de Kommander-Eilandn. D' ekostreeke êt e styf nat kliemoat en dr zyn veele klêene rieviere-systêemn, laguunn en moerassn.

Plantn-weirld bewerkn

 
Busschn roend kroatr-mêer Nachikinskiy, Kamtsjatka.
 
Dwergpynboomn by de kuste van Kamtsjatka.

De kustgebiedn zyn mêesta bedekt mê gemienglde busschn van Erman-berke (Betula ermanii), dahoeriesche lorke (Larix gmelinii), wilge en elze. Mo die zôones omvattn ook kreupl-busschn, beikn, moerasbusschn, en zeifs toendra. Dr bestoan busschn van Siebeeriesche dwergpynboom (Pinus pumila) en van Kamtsjatka-lorke (Larix kamtscatica), gemiengld mê roatlpopliere (Populus tremula), en Jezo-sparre (Picea jezoensis). De verre in d' oseoane geleegn Kommander-Eilandn zyn bezet mêt ooge geleegn toendra-beikn en klêene bustjes.

Bêestn-weirld bewerkn

Kamtsjatka êrbergt de grotste populoasje in de weirld van bruune beir (Ursus arctos) --geschat ip 20 000--in de weirld. Doaby zyn dr in die ekostreeke ook grysde wolvn (Canis lupus), eelandn (Alces alces), veelvroatn (Gulo gulo), en êekhôorns. De veele rieviern van 't schiereiland telln 't mêeste en geeneetiesch de mêest verscheidn zoalm-populoasjes in de weirld. Rôo zoalm (Oncorhynchus nerka), tsjum-zoalm (Oncorhynchus keta), koho-zoalm (Oncorhynchus kisutch), tsjienook-zoalm (Oncorhynchus tshawytscha), Japansche zoalm (Oncorhynchus masou), en reegnbooge-forêllesôortn kunn ier allemalle gevoenn wordn. De reegnbooge-forêlln zyn d' êenigte echt wilde populoasje die oovrbluuft in de weirld. Ip de Kommander-Eilandn istr ook oovrevloedig leevn : ip die eilandn zyn dr verschillnde groepn van Steller-zêelêew (Eumetopias jubatus) en nôordlikke zêebeir (Callorhinus ursinus); bykans 60 sôortn veugls broenn ier, woaroendre geôornde poapegoajduukr (Fratercula corniculata), zêekoete (Uria aalge), rôodmaskre-butstekkre (Phalacrocorax urile), en rôodpôot-drietêenmêewe. Karaginsky-Eiland is bekend vo arlekynoande (Histrionicus histrionicus), die doa êen van de grotste broedkoloonjes êt in 't Russiesche Verre Ôostn.

Bedreigiengn en beschermienge bewerkn

Da gebied os nog oltyd betrekklik oengerept, deurda 't styf ofgezoenderd ligt. Mo strôopn en oovrebevisschn van zoalm en reegnbooge-forêlln zyn grôote bedreigiengn vo 't vôort oovrleevn van die populoasjes en bêestn die ofangn van undre vo voedslbronne, lik bruune beirn. Verkêerd vis-behêer, woavan datr veele zêeveugls en zêezoogbêestn ofangn, is 'n andere kwestje. E toenoame van mynbow en goaze-uutboatienge is ook e toekomstige bedreigienge.

Zied ook noa bewerkn

 
Vulkoane-uutbarstienge oovre de busschn.
 
Kutkhiny Baty – e blôotliggnde puumstêen-rotseformoasje geleegn 4 kielomeetrs van de bronne van de Ozernaja-Rieviere, dichte by 't zuudlikste puntje van Kamtsjatka.
Boreoale busschn uut 't Palaearctis
PA0601 Boreoale busschn van ôostlik Siebeerje Rusland
PA0602 Boreoale berkebusschn en alpiene toendra in Ysland Ysland
PA0603 Beikn en dinne gezoajde busschn van Kamtsjatka en de Koerieln Rusland
PA0604 Boreoale busschn van Kamtsjatka en de Koerieln Rusland
PA0605 Boreoale busschn van nôordôostlik Siebeerje Rusland
PA0606 Boreoale busschn van Okhotsk-Mantsjoerye Rusland
PA0607 Boreoale busschn van Sakhalien Rusland
PA0608 Skandienoavsche en Russiesche boreoale busschn Finland/Nôorweegn/Rusland/Zweedn
PA0609 Koniefeere-busschn van Transbajkal Mongoolje/Rusland
PA0610 Bergbusschn en toendra van den Oeral Rusland
PA0611 Boreoale busschn van westlik Siebeerje Rusland


Eksterne koppliengn bewerkn

Verwyziengn bewerkn

<references>

  1. (en) Ecoregion PA0603 : Kamchatka-Kurile meadows and sparse forests (WWF).
  2. (en) Ecoregion PA0603 : Kamchatka-Kurile meadows and sparse forests (Nationalgeographic).
  3. (en) Ecoregion PA0603 : Kamchatka-Kurile meadows and sparse forests (WWF).
  4. (en) Ecoregion PA0603 : Kamchatka-Kurile meadows and sparse forests (Globalspecies).
  5. (en) Nr 85 : Kamchatka Taiga & Grasslands - A Global ecoregion.