Dyvre
Den Dyvre is e woatrelôop en e stroate in 't iestôoriesch êrte van Brugge. De reie lopt van de Gruutuuze-brugge toe an de Rôoznoedkoaje en 't Uudevettrspling. De gelyknoamige stroate ligt ip de zuudlikkn oevre van de reie en lopt van de Gruutuuzebrugge toe an de Wullestroate en de Rôoznoed-koaje. Den Dyvre makt dêel uut van de lôop van d' ôorsproenkelikke riviere de Reie en wordt oovrespann deur de Gruutuuze-brugge en de Johannes Nepomucenus-brugge.
Geschiednisse
bewerknDe noame is êen van d' oedste van Brugge. De vroegste vermeldiengn zyn:
- 1292: supra diveram;
- 1302: up die divere;
- 1369: caye up den divere.
De noame is nog van uut de Keltiesche tyd en komt vôort uut 't Indogermoansche deiwo, god of goddlik. Het is e platsnoame die, zjuuste glik "Reie" (Rogia), "illig woatre" wilt zeggn.
Den Dyvre vormde ton nog de nôordgrenze van 'n eiland da begruujd was mêt êekeboomn, vo de Keltn illige boomn. Van oeds ist e platse van byêenkomste en ip 't eiland ontstoendr e kuultuusplatse. Die kuultuusplatse zoe roend 1050 verkristlikt gewist zyn deur de kluuznoare Everelmus en lag an de groendslag van de loatre Êekoet-abdy. Vanof minstns 1127 makte den Dyvre dêel uut van d' êeste stadsomwollienge van Brugge.
Vandoage de dag êt de stroate e gevarjeerde funksje, mêt oendre andre kommêrsjêele en ipvoedkundige aktiviteitn (Europacollege), horeca en in mindre moate uusvestienge. Ook vienn dr dikkers romml- en folklôoremarten platse. Vors êt den Dyvre e belangryke museoale funksje mê d' anwizzigeid van 't Groeniengemuzeum, 't Arents-uus en 't Gruutuuzemuzeum.
-
De stroate "Dyvre" lopt lanst 't glyknoamig kanoal. -
Den Dyvre in westlikke richtienge gezien. -
Den Dyvre, mêt ip den achtregroend de torre van de Uuze-Lieve-Vrowekerke en in de vôorgroend e poar typiesche Brugsche zwoann. -
De Johannes Nepomucenus-brugge. -
Den Dyvre vanuut de lucht.
Befoamde inweuners
bewerknE bitje voddr kykn
bewerkn- (fr) De Smet, Jos 1948 : Le Diver, in : Journal de Bruges, 3 juli.
- (nl) Schouteet, Albert 1977 : De straatnamen van Brugge. Oorsprong en betekenis, Brugge, ISBN 9789062675036
- (nl) Schouteet, Albert 1977 : De betekenis van de plaatsnaam Dyver te Brugge, in: Handelingen van het genootschap voor geschiedenis te Brugge, blz. 163-168.
- (nl) Debrabandere, Frans 1978 : Kritische aantekeningen bij Brugse straatnamen.
- (nl) Debrabandere, Frans 1978 : De Brugse waternaam Dijver, in : Brugs Ommeland, nr. 2, p. 122-126.
- (nl) Beernaert, Brigitte & D'Hondt, Jan 1997 : Het huis Arents, Dijver 16: een aanzet tot huizenonderzoek, in : Jaarboek 1995-96 Stad Brugge, Stedelijke Musea, Brugge.
- (nl) Beernaert, Brigitte e. a. 2000 : Dijver 17, huis van de heren van Gruuthuse, in : Monument en Tijd, Open monumentendagen Brugge 2000, Brugge.
- (nl) Beernaert, Brigitte e. a. 2001 : Dijver 16, het huis Arents, in : Monument en metaal, Open monumentendagen Brugge 2001, Brugge.
- (nl) Beernaert, Brigitte e. a. 2003 : Dijver 17, het Steenmuseum, in : Monument en steen, Open monumentendagen Brugge 2003, Brugge.
- (nl) Debrabandere, Frans 2006 : Brugse plaatsnamen, in : Brugge die Scone, blz. 47.
- (nl) Beernaert, Brigitte e. a. 2009 : Dijver 17, Gruuthusepaleis, in : Zorg, Open monumentendagen 2009, Brugge.
- (nl) Weymeis, Chris 2011 : Brugge van Academiestraat tot Zwijnstraat. Geschiedenis van de straten in de binnenstad, Deel I, A-D, Brugge, ISBN 9781845886608.
