Fretin

Fretin
Fretin in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Templeuve
Coördinoatn	50°33′NB 3°08′OL
Ippervlak	13,17 km²
Inweuners
Inweuners Bevolkiengsdichtheid	3379 (2016) 257 inw./km²
Andere
Burgemêester	Béatrice Mullier
Postcode	59273
Webadres	Site van Fretin

Fretin es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudôostkantn van Rysel zelve. 't Grenst an de gemêentn Singem, Péronne-en-Mélantois, Templeuve, Ennevelin, Avelin en Lesquin. O de zuudkantn van Fretin lôopt de Marke.

Verkêer

't Groundgebied van Fretin es e belangryke plekke vo 't verkêer en transport; Ier ligt 't knooppunt vo de spôorlynn'n van d'ôogesneleyd-trings (surtout de TGV's) tusschn Rysel, Brussel en Parys. Deur Fretin lôopt ôok nog en yzerboane vo 't geweune tringverkêer tusschn Rysel en Valencyn

O d'ôostkantn van Fretin lôopt ôok nog d'A23-ottostroade tusschn Villeneuve d'Ascq en Valencyn en o de nôordkantn ligt e grôo stik van 't vliegpling van Lesquin-Rysel (Aéroport de Lille-Lesquin) ip't groundgebied van Fretin.

Beziensweirdigeedn

• De Sint-Moartnskerke uut de joarn 1959-1962.
• 't Museumtje van't lokoale boereleevn (Musée de la Vie rurale)
• De restantn van't kastêel ip de wyk Kastêeldreve, wa in 1994 gedêeltelyk erkend es lyk istorisch monument.
• De feodoale motte (nen artificiël angeleydn èirdn heuvel, woarip der in de middelêeuwn e kastêel of burcht wierd ipgericht) ip de wyk Zuud-Warlet es sedert 1978 erkend lyk istorisch monument.
• In't zuudôostn van de Fretin liggn in de valleye van de Marke êenigte moerassn ('t Marais de Warlet en't Marais de Joncquoy), die ansluutn ip e reke van moerasgebied'n die vodder lôopn tout in Péronne-en-Mélantois.

Zicht ip Fretin

Ofbeeldiengn die ier by passn ku je vien in de categorie Fretin van Wikimedia Commons.