Loos

Loos
Loos in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Rysel-6
Coördinoatn	50°36′NB 3°00′OL
Ippervlak	6,95 km²
Inweuners
Inweuners Bevolkiengsdichtheid	21.442 (2015) 3085 inw./km²
Andere
Burgemêester	Anne Voituriez
Postcode	59120
Webadres	Site van Loos

Loos es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an 't stad Rysel en de gemêentn Wattenys, Emmerin, Arrebodem en Sequedin. De bebouwienge van Loos es bikkansn hillegans vergroeid me dedie van Rysel en ezo es Loos eigntlyk ne vôorstad o de zuudwestkantn van Rysel. O de nôordkantn van Loos lôopt de riviere de Deule.

Beziensweirdigeedn en erfgoed

• 't Staduus mè 't belfort gebouwd in neo-Vlamschn styl in de joarn 1880. 't Belfort es tôope mè nen ôop and're belfortn in Vloandern en Frans-Vloandern erkend lik weirelderfgoed deur den Unesco.
• De gebouwn van de vroegere Ouze-Lieve-Vrouwe-abdeye, e middelêeuwsche cisterciënzerabdeye die van 1817 tout in 2011 gebruukt wierd lyk e prisong. De gebouwn van't prisong uut de neegntiende êeuwe wierdn ofgebrookn in 2016 en nu zyn ze bezig me dedie van d'abdeye zelve te reconstrueern.
• D'Ouze-Lieve-Vrouwe-van-Groasjekerke, die ôorsprounkelyk mor e kapelle wos gebouwd in 1591, mor ol rappe vergrôot wierd en in 1611 es ingeweyd lyk en kerke. D'oartsertoogn Albrecht en Isabella zyn der nog ip bedevoart gewist achter under plechtign intrede in Rysel.
• De Sint-Annakerke uut et begun van de neegntiende êeuwe
• De kapelle van't chateau de Landas uut de zeevntiende êeuwe es ôok erkend lyk istorisch monument
• Loos es ôok gekend vo zyn chimie-industrie en vo de distilloasje van alcool: de zjenivver van Loos

• 
  't Staduus van Loos mè 't belfort
• 
  Zicht ip d'oude abdeye
• 
  D'Ouze-Lieve-Vrouwe-van-Groasjekerke
• 
  Zjenivver van Loos

Ofbeeldiengn die ier by passn ku je vien in de categorie Loos van Wikimedia Commons.