Lesquin

Lesquin
Lesquin in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Templeuve
Coördinoatn	50°35′NB 3°06′OL
Ippervlak	8,41 km²
Inweuners
Inweuners Bevolkiengsdichtheid	7912 (2016) 941 inw./km²
Andere
Burgemêester	Jean-Marc Ambroziewicz
Postcode	59810
Webadres	Site van Lesquin

Lesquin es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudôostkantn van Rysel zelve. 't Grenst an de gemêentn Lezennes, Singem, Fretin, Vendeville, Faches-Thumesnil en Ronchin.

Verkêer

't Groundgebied van Lesquin es e belangryke plekke vo 't verkêer en transport; 't Es van drie kantn oumgeevn deur ottostroadn: in't westn lôopt d'A1-ottostroade tusschn Rysel en Parys, in't nôordn ligt e stik van d'A27 tusschn Rysel en De Schreve by Dôornik en o d'ôostkantn lôopt d'A23 tusschn Villeneuve d'Ascq en Valencyn.

't Vliegpling van Rysel-Lesquin

In de gemêente ligt ôok d'internoationoale luchtoavn van Rysel-Lesquin (Aéroport de Lille-Lesquin) die twêe landiengsboan'n eid. In 2017 stound et ip plekke 14 ip de lyste van de drukste luchtoavns van Vrankryk met juuste gin twêe miljoen vervoerde passagiers. Surtout in't zomersezoen wierd Rysel-Lesquin ôok oltemets deur Vloamiengn gebruukt vo na't zuudn te vliegn, in de plekke van via Zoavntem of Charleroi te vliegn.

In Lesquin eie ôok 'n stoasje die ligt ip d'yzerboane tusschn Rysel en Valencyn.

Beziensweirdigeedn

• De Sent-Barthélemy-kerke, gebouwd round 1854 deur Charles Leroy (die ôok gekend es van de Notre-Dame de la Treille-kathedroale in Rysel)

De Sent-Barthélemy-kerke

Ofbeeldiengn die ier by passn ku je vien in de categorie Lesquin van Wikimedia Commons.