Borre (Vrankryk)

Borre
Borre in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Belle
Coördinoatn	50°43′NB 2°34′OL
Ippervlak	5,96 km²
Inweuners
Inweuners Bevolkiengsdichtheid	603 (2016) 101 inw./km²
Andere
Burgemêester	Bernadette Popelier
Postcode	59190
Webadres	Site van Borre

Borre es e gemêente in Vrankryk in't Noorderdepartement. 't Ligt in Frans-Vloandern in de Franschn Westoek, mêer bepoald in't Frans-Vlamsche Houtland. 't Grenst an de gemêentn Koaster, Pradeels, Oud-Berkyn en Oazebroeke.

An de nôordkant van Borre passeert d'yzerboane vo den TGV tusschn Rysel en Kales en an de zuudkant lôopt d'yzerboane vo de geweune trings tusschn Rysel en Oazebroeke, mor der es wel gin stoasje in Borre. An de schreeve mè Oazebroeke strôomt de Borrebeke woavan da 't dorptje zyn noame es afgeleyd.

Geschiedenisse

Borre es geciteerd vanof de neegnde êeuwe in't charter vo d'abdeye vo Sent-Bertin in Sint-Omoars, ounder de noame Beborna. In 1174 es d'uudige noame van't dorp vo nen êeste kêe gattesteerd. Borre wos in 1940, byst den Twiddn Weireldôorloge, êen van d'êeste Fransche dorpn die g'attaqueerd wierdn deur Duutsche vliegers.

Beziensweirdigeedn

In Borre ligg'n de Sint-Jan-den-Dooperkerke, e romoansche kerke me stikkn uut d'elfde tout an de zeevntiende êeuwe, en 't Borre British Cemetery mè 370 Britse groavn.

• 
  Zicht ip Borre vanuut de lucht
• 
  De Sint-Jan-den-Dooperkerke
• 
  't Borre British Cemetery

Ofbeeldiengn die ier by passn ku je vien in de categorie Borre (Nord) van Wikimedia Commons.