Niepkerke

Niepkerke Nieppe
Niepkerke in 't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Belle
Coördinoatn	50°42′NB 2°50′OL
Ippervlak	17.3 km²
Inweuners
Inweuners Bevolkiengsdichtheid	7587 (2010) 439 inw./km²
Andere
Burgemêester	Michel Vandevoorde
Postcode	59850
Webadres	Site va Niepkerke

Niepkerke (Frans: Nieppe, Picardisch: Nippe) es e gemêente in Vrankryk in't Noorderdepartement. 't Ligt in Frans-Vloandern in't Leiedal. Niepkerke ligt an de Schreve en de Leie strôomt langsn de zuudgrenze van de gemêente. Niepkerke grenst an de gemêentn Heuvelland (Nieuwkerke), Koomn-Woastn (Ploegsteirt en 'n Bizee), Armentiers, Erkegem an de Leie, Steenwerk en Belle.

In't ôostn van de gemêente ligt de wyk Pont-de-Nieppe teegn de Leie en de grenze me Armentiers. In't westn ligt et gehuchtje Pont d'Achelles. In't nôordn liggn an de Schreve de klêene grensgehuchtjes Le Romarin en Clef de Hollande. Langsn de zuudkant van Niepkerke passeert d'yzerboane vo den TGV tusschn Rysel en Kales en deur't middn van 't groundgebied lôopt d'yzerboane vo de geweune trings tusschn Rysel en Oazebroeke en stoat de stoasje van Niepkerke. Niepkerke stoat ôok in verbiendienge me Rysel en Duunkerke via de ottostrade A25 die deur de gemêente lôopt.

Bezienswoardigeedn

• De Sent-Moartnskerke
• De Notre-Dame de Bon-Secours-kerke
• 't Museum van Niepkerke
• 't Kastêel van Niepkerke
• 't "Deutscher Soldatenfriedhof Pont-de-Nieppe" me de groavn van 790 Duutsche soldoatn uut den Êestn Weireldoorloge
• Drie begroafplekkn me groavn van Britse dôo uut den Êestn Weireldoorloge:
  • Nieppe Communal Cemetery
  • Pont-D'Achelles Military Cemetery
  • Pont-de-Nieppe Communal Cemetery

• 
  De Notre-Dame de Bon-Secours-kerke
• 
  't Kastêel van Niepkerke

Ofbeeldiengn die ier by passn ku je vien in de categorie Nieppe van Wikimedia Commons.