Merris

Merris
Merris in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Belle
Coördinoatn	50°42′NB 2°39′OL
Ippervlak	10.09 km²
Inweuners
Inweuners Bevolkiengsdichtheid	1065 (2009) 106 inw./km²
Andere
Burgemêester	Jocelyne Duez
Postcode	59270
Webadres

Merris es e gemêente in Vrankryk in't Noorderdepartement. 't Ligt in Frans-Vloandern in't Houtland. 't Grenst an de gemêentn Metern, Belle, Oud-Berkyn en Stroazele. An de nôordkant van Merris passeert d'yzerboane vo den TGV tusschn Rysel en Kales en an de zuudkant lôopt d'yzerboane vo de geweune trings tusschn Rysel en Oazebroeke. Deur Merris strôomt de Meternbeke.

Etymogie en geschiedenisse

De noame Merris komt van Miernes of Merrens en es vo den êestn kêe gattesteerd in 1180. Somstekeern es't vermeld lyk Mernes wa da letterlyk "moerasse" wilt zeggn, e duudelyke verwyzienge na de loage en mêer natte vlaktes aan de zuudkant van 't groundgebied van de gemêente aangezien 't terring doa van de Frans-Vlamsche heuvels na beneed'n goat richtieng 't Leiedal.

Vôor 'n tyd van Jules César wierd 't groundgebied beweund deur de stammn van de Menapiërs. In de lôop van de vierde êeuwe kwoamn verschillige Germoansche stamm'n der under installeern gelyk de Friezn en de Saksn die ip ulder beurt were wierdn verjoagd deur de Frankn die in de regio in de lôop van de vroege Middelêeuwn de êeste dorpn begoestn ip te zettn. In dien tyd begoest ôok et Vlamsch em t'ountwikkeln lyk de gesprookn toale in de regio.

Merris ôordigde lyk hil d'uudige Fransche Westoek tot 't Groafschap Vloandern en wos ingedêeld in de kasselry Belle. Religieus geziene viel 't gebied ounder 't bisdom Terwoan.

Merris it gelyk vele dorpn in de Vlamsche en Fransche Westoek vrêe vele ofgeziene deur den Êestn Weireldoorloge en grote deeln van de stad wierdn verwoest byst den oorloge, ounder and're oude Sent-Laurentkerke die ze achter den oorloge ernieuw gebouwd en.

• 
  Zicht ip Merris
• 
  De Sent-Laurentkerke in Merris
• 
  Monument vo de dôo uut den oorloge
• 
  Staduus

Ofbeeldiengn die ier by passn ku je vien in de categorie Merris van Wikimedia Commons.