Respoeë

Respoeë Rexpoëde
Respoeë in't arroundissement Duunkerke
Geografie
Regio	Nord-Pas-de-Calais
Departement	Noorderdepartement
Arroundissement	Duunkerke
Kanton	Oundschote
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	13.37 km²
Inweuners
Inweuners Bevolkiengsdichtheid	1767 (2009) 132 inw./km²
Andere
Burgemêester	Bruno Brongniart
Postcode	59122
Webadres	Officiëeln site va Respoeë

Respoeë ofte Respoue (Frans: Rexpoëde, Nederlands: Rekspoede) es e gemêente in Vrankryk in't Noorderdepartement. 't Ligt in Frans-Vloandern in't Blootland, nie verre van De Schreve. Respoeë grenst an de gemêentn Killem, Oost-Kapel, Bambeke, West-Kapel en Warrem.

Etymologie en geschiedenisse

Respoeë es ol in 1107 vermeld ounder de noamn Rexpouda, Rikespold en Rikespoud, afkomstig van't Germoansche Rikis Bothia. In de Flandria Illustrata van Sanderus van 1650 wierd 't dorptje Rexpoele enoemd byst da koartn en schilderyn van de kasselry'n Bergn en Veurne et Respoue noem'n, juuste gelyk da 't dorptje nu nog wordt enoemd in't Vlamsch. Officiël noemt et nu in't Frans Rexpoëde me en trema, oloewel da 't ezo nie uutgesprookn wordt.

De Slag by Oundschote

In den achtrmoat van de religieuze spanniengn en de verwoestiengn van de Beeldnstorm, a'n ip 25 januari 1567 de Geuzn den pastr, de vicaire den kostr van't dorp vermôord. Byst de Fransche Revoluusje woarn der in Respoeë antins klêene batteriengn in de periode 1791 tout 1793. In 1793 woarn der ôok twêe belanryke velsloagn in en round Respoeë die koadern in d' Êeste Coaliesjeoorloge. Ip 21 oest bezettn de Ingels-Hannoversche troepn van moarschalk Heinrich Wilhelm von Freytag 't dorptje vo 't versterkte stadje Bergn in te pakkn, wa e verlies wos vo de Fransche republikinn'n (ôok Sanskullottn enoemd) die zwoar in oundertal woarn. Ip 6 en 7 september van da zelfde joar wierd 't dorp in de contexte van de Slag by Oundschote were ingepakt deur de Fransche en wierdn moarschalk von Freytag en prins Adolphus, de zeevnde zeune van keunink George III van Ingeland, zelfs vo e moment deur de Fransche gevangngezet in Respoeë, mo wierdn ze were gered.

Bezienswoardigeedn

• De Sent-Omerskerke, die ôorsproinkelyk e kappeleke wos uut 1160, mo erebouwd es in 1557, et gelyk vele kerkn in de streke de vorme van en Allekerke.
• 't Kastêel Bouly de Lesdain, 't ôofdkwartier van General Anthoine in 1917 byst den Êestn Weireldoorloge, en zyn reesidensje.
• 't Pottnbakkrsuus woarda von Freytag es gevangngoudn byst den Slag by Oundschote (1793)
• De vier windmeulns

De Sent-Omerskerke in Respoeë

Ofbeeldiengn die ier by passn ku je vien in de categorie Rexpoëde van Wikimedia Commons.