Stegers
 StegersEstaires | |
|---|---|
_Nord-France.svg)
| |
 Stegers in 't arroundissement Duunkerke | |
| Geografie | |
| Regio | Nord-Pas-de-Calais |
| Departement | Noorderdepartement |
| Arroundissement | Duunkerke |
| Kanton | Meregem |
| Coördinoatn | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
| Ippervlak | 12.82 km² |
| Inweuners | |
| Inweuners | 5992 (2010) 467 inw./km² |
| Andere | |
| Burgemêester | Bruno Ficheux |
| Postcode | 59940 |
| Webadres | Site van Stegers |
Stegers (Frans: Estaires) es e gemêente in Vrankryk in't Noorderdepartement. 't Ligt in Frans-Vloandern in't Leiedal. Langsn de zuudgrenze van de gemêente strôomt de Leie. Stegers grenst an de gemêentn Zoetestede, Steenwerk, Sailly an de Leie, De Gorge, Meregem en Nieuw-Berkyn.
Geschiedenisse
bewerkn't Huudige stadje ligt ip de site woar in tydde van de Romeinn 't stadje Minariacum wos, e strategisch geleegn plekke omda ze lag an de heirboane tusschn Castellum Menapiorum ('t huudige Kassel) en Nemetacum Atrebatum (Atrecht) want ip da punt wos de Leie ip zyn smolst en dus 't makkelykst vo te traverseern. Stegers wierd gekerstend in de neegnde êeuwe deur Sent-Vedastus en ôordigde in de middelêeuwn by't Groafschap Vloandern. In dien tyd vormde de Leie in't huudige Frans-Vloandern e sôorte van e nateurlyke toalgrenze; an de nôordkant ervan koutte men Vlamsch en an de zuudkant klapten ze Picardisch (in Romoans-Vloandern). In de middelêeuwn wos de vôornoamste bedrievigeyd van Stegers de textielcommerce. In 1566 wierdn byst de Beeldnstorm verschilligte religieuze gebouwn van Stegers geplunderd deur de protestantn.
Stegers wierd mo Fransch in 1769 achter d'uutwisselienge van verschilligte encloaves tussch Vrankryk en de Nederlandn. In dien tyd wos Stegers e bloeiendn textielstad, vergelykboar me Armentiers. Byst den Êestn Weireldoorloge wierd Stegers ingenoomn deur de Duutschers byst den Vierdn slag om Ieper woaby da't stadje bikkans gehils verwoest wierd. Stegers wierd heroverd deur de g'allieerdn byst ulder offensief in den twêedn elft van 't joar 1918. Achter den oorloge en 't stadje deur de verwoesting en de crise in den textiel noois mêe tout an oar vroegere élan gerakt.
Bezienswoardigeedn
bewerkn- 't Staduus me belfort, da gereconstrueerd wierd tusschn 1928 en 1930. 't Oude staduus wierd gebouw tusschn 1600 en 1612 in Spoanschn styl en wierd platgesmeetn byst den Êestn Weireldoorloge.
- De Sent-Vedastuskerke, gereconstrueerd wierd tusschn 1927 en 1930 en remplaceerde de verwoeste oudere die ebouwd wos in 1858.
