Oaverskerke
(deureverweezn van Haverskerque)
 HoaverskerkeHaverskerque | |
|---|---|
_1.svg)
| |
 Hoaverskerke in 't arroundissement Duunkerke | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Duunkerke |
| Kanton | Hoazebroek |
| Coördinoatn | 50°38′NB 2°32′OL |
| Ippervlak | 9.17 km² |
| Inweuners | |
| Inweuners | 1472 (2010) 161 inw./km² |
| Andere | |
| Burgemêester | Jean-Michel Laroye 2016-2020 |
| Postcode | 59660 |
| Webadres | Officiëln site Hoaverskerke |
Hoaverskerke (Frans: Haverskerque, Nederlands: Haverskerke) es e gemêente in Vrankryk in't Noorderdepartement. 't Ligt in Frans-Vloandern in't Leiedal. Hoaverskerke grenst an de gemêentn Moerbeke, Meregem, Sint-Floris, Poapingem en Tienn. In de gemêente liggn ôok nog de gehuchtjes Le Forêt, La Croix Mairesse en Le Corbie. Ande zuudkant van de gemêente strôomt de Leie en ezo es Hoaverskerke e grensgemêente tusschn Frans-Vloandern en Artesië.
Etymologie
bewerknDer zyn verschilligte explikoasjes vo d'erkomste van de noame van de gemêente, woarvan da der viere 't mêeste vôorkommn:
- Havis (= heer van 't dorp) + kerke : De noame Haviskerka komt ol vôorn sedert 1047.
- Haze (of Haes) + kerke : uutleg afkomstig vanden histocus Grammaye die schryft da d'ôorsprounkelyke noame van't dorp Haeskercke of Hazekerke wos en da Haes zo verwyzn nar en nateurlyke zeune van Groaf van Vloandern Lodewyk van Nevers genoamd "le Haes de Flandre".
- Havik + kerke : Nen uutleg die zo verwyzn na de meugelykheyd dat ter misschiens in tydde oavikkn wierdn gekwêekt in de torre van de kerke, misschiens bestemd voe de valknjacht, mo dien uutleg wierd straf betwyfeld.
- Haver (= hoavn) + kerke : De kerke van Hoaverskerke es dichtby de lôop van d'oude Leie te situeern, wa zyn noame zo gegeevn en an't dorp. Verzekers es dien uutleg de mêest woarschynlykn.
Bezienswoardigeedn
bewerkn- De Sint-Vincentkerke, en allekerke in Gothischn styl die ol g'attesteerd es in de twoalfde êeuwe.
- 't Haverskerque British Cemetery, Iengels kerkof uut den Êestn Weireldoorloge
|
Ofbeeldiengn die ier by passn ku je vien in de categorie Haverskerque van Wikimedia Commons. |